У чэрвені чакаецца да плюс 34...

У чэрвені Беларусь чакае спякотнае надвор'е, у асобныя дні паветра прагрэецца да плюс 32-34 градусаў. Аб гэтым паведаміў падчас відэабрыфінгу начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў, перадае БЕЛТА.

Уладу над надвор'ем будзе ўтрымліваць антыцыклон з Заходняй Еўропы. Пад яго ўплывам у асобныя дні чэрвеня будуць праходзіць кароткачасовыя дажджы рознай інтэнсіўнасці, таксама чакаюцца навальніцы, месцамі град. Тэмпература паветра ў начны час складзе 10-17 градусаў цяпла, у паўночных раёнах краіны пры паступленні свежага паветра будзе плюс 6-9 градусаў. Удзень паветра будзе прагравацца ў асноўным да 18 градусаў цяпла на поўначы краіны і да плюс 25 градусаў у паўднёвых раёнах.