Долар імкліва таннее на пазабіржавым рынку РБ

У другой палове пятніцы беларускі рубель пачаў пераможнае ўзыходжанне над доларам на пазабіржавым валютным рынку. Пакупка долара знізілася да 7000 рублёў, продаж — да 7500 рублёў.

Куды больш паказальныя курсы рэальных здзелак — 7000—7300 рублёў за долар.

Як адзначаюць прадстаўнікі банкаў, на рынку з'явілася ўстойлівая прапанова валюты, а вось пакупнікоў, якія запасліся валютай яшчэ ў першай палове тыдня, стала прыкметна менш.

На чорным наяўным рынку сітуацыя паўтарае тэндэнцыю пазабіржавага рынку — здаць валюту па 6000 рублёў за долар ужо вельмі праблематычна.

АФН.