Ці не перашкаджаеце вы свайму ўрачу?

Гарантыя паспяховай "бітвы" з хваробамі — цесны саюз урача і хворага. Але як на самай справе выконваюцца прадпісанні медыкаў?

Маштабныя пошукі на гэтую тэму правялі італьянскія псіхолагі. Атрыманая імі статыстыка выклікала здзіўленне: больш чым у палове выпадкаў пацыенты, нават калі ім зусім дрэнна, не прымаюць усе або частку прапісаных лекаў, не прыходзяць на працэдуры і не выконваюць іншыя рэкамендацыі.

А вы — памочнік для свайго доктара ва ўласным вылячэнні або імкняцеся сабе ж уставіць палкі ў колы? Даведайцеся пра гэта, адказаўшы на пытанні тэста.

Калі ў вас баліць галава, вы:

А) спрабуеце высветліць і ўстараніць прычыну — 2 балы;

Б) прымаеце болесуцішальнае — 1 бал;

В) трываеце — 0 балаў.

На прыёме ў доктара вы:

А) расказваеце пра сімптомы, загадзя прадумаўшы свае скаргі — 2;

Б) часта забываеце паведаміць урачу важную інфармацыю — 1;

В) даяце парады і крытыкуеце прызначанае лячэнне — 0.

Калі ўрач прызначае вам лячэнне, вы:

А) старанна выконваеце ўсе рэкамендацыі — 2;

Б) чытаеце анатацыі, правяраючы правільнасць лячэння — 1;

В) часта грэбуеце прызначэннямі — 0.

Калі лячэнне адразу не падзейнічала, вы:

А) паведамляеце пра гэта лечачаму ўрачу — 2;

Б) мяняеце ўрача — 1;

В) кідаеце лячэнне — 0.

Як вы ставіцеся да лекаў?

А) доктар лепш за мяне ў гэтым разбіраецца — 2;

Б) аддаяце перавагу правераным сродкам — 1;

В) лічыце, што лекі толькі атручваюць арганізм — 0.

Чаго вы чакаеце ад урача?

А) дыягназу і лячэння — 2;

Б) суперажывання і падтрымкі — 1;

В) бальнічнага ліста — 0.

Калі доктар прычыняе вам фізічны боль, вы:

А) трываеце (гэта неабходна для вылячэння) — 2;

Б) патрабуеце іншага лячэння або абязбольвання — 1;

В) адчуваеце нянавісць да свайго ката — 0 .

Якому спосабу дыягностыкі вы давяраеце?

А) досведу і інтуіцыі доктара — 2;

Б) сучаснай апаратуры — 1;

В) толькі сам хворы можа разабрацца ў сваім арганізме — 0.

Сумуйце атрыманыя балы.

12—16 балаў. Вы выдатны пацыент — пра такога марыць кожны медык. Сумеснымі намаганнямі вы пераможаце любую хваробу.

6—11 балаў. Вы занадта спадзеяцеся на ўласнае меркаванне. Больш давярайце медыкам, не мяняйце ўрача падчас лячэння і строга выконвайце ўсе прызначэнні.

0—5 балаў. Вы рызыкуеце зарабіць хранічнае захворванне з-за самалячэння або поўнай адсутнасці лячэння.

ДАРЭЧЫ

Прыкладна ў 50% выпадкаў няўдач у лячэнні хворы проста не прымаў лекі або рабіў гэта няправільна, у 25% не выконваюцца іншыя рэкамендацыі (дыета, рэжым сну, гігіены, стрэсы і г.д.), 12% звязаны з генетычна і экалагічна абумоўленымі прычынамі (напрыклад, немагчымасць змяніць месца жыхарства пры астме).

Прычыны 8% няўдач у лячэнні звязаны з медслужбай (памылкі медперсаналу, адсутнасць санітарак і несвоечасовы прыезд "хуткай", якасць харчавання і ўмовы ўтрымання ў стацыянарах). А 5% адводзіцца на іншыя, больш рэдкія прычыны.

Падрыхтавала Вольга КУЛІНКОВІЧ.