Студэнты БДУ збіраюць сродкі для пацярпелых

У рэдакцыю патэлефанавалі студэнты юрыдычнага факультэта БДУ, якія арганізавалі на сваім факультэце збор сродкаў для пацярпелых ад тэракта 11 красавіка. Дабрачынная акцыя была ініцыяваная студэнтамі 4-га курса, і на 14 красавіка ў ёй прыняло ўдзел 106 чалавек — у асноўным студэнты і выкладчыкі факультэта. За дзень было сабрана больш за Br 600 тысяч.