ХРОНІКА АПОШНІХ ПАДЗЕЙ
Без экстранай пенсійнай рэформы Украіна сутыкнецца з сур'ёзнымі эканамічнымі праблемамі, выкліканымі старэннем грамадства. Пра гэта заявіў каардынатар сістэмы ААН ва Украіне Аліўе Адам падчас парламенцкіх слуханняў, прысвечаных правядзенню пенсійнай рэформы.
У 2010 годзе пенсійныя выплаты ў гэтай краіне дасягнулі 18% ВУП. Гэта самы высокі паказчык у свеце. "Перад украінскай пенсійнай сістэмай паўстаў цэлы шэраг праблем, якія, з улікам дэмаграфічных праблем у краіне, пагражаюць яе фінансавай стабільнасці", — лічыць Аліўе Адам. Ён падкрэсліў, што Украіна павінна ўлічваць працэсы старэння насельніцтва і рэкамендаваў уладам умацоўваць пенсійную сістэму з дапамогай павелічэння пенсійных унёскаў, павышэння пенсійнага ўзросту і скарачэння пенсійных выплат для працуючых пенсіянераў.
"Нашы даследаванні паказалі, што павелічэнне пенсійнага ўзросту — гэта не варыянт, а неабходнасць для забеспячэння ўстойлівасці сістэмы. Вялікая частка прамыслова развітых дзяржаў ужо ўстанавіла адзіныя пенсійныя правілы для мужчын і жанчын. Шмат краін павялічыла пенсійны ўзрост", — сказаў каардынатар сістэмы ААН ва Украіне. Ён рэкамендаваў паступова павялічваць пенсійны ўзрост для жанчын да 60 гадоў — па шэсць месяцаў штогод.
Анішчанка заявіў пра непазбежнасць пандэміі халерыГалоўны санітарны ўрач Расіі Генадзь Анішчанка выказаў упэўненасць у тым, што свету пагражае пандэмія халеры. "Пандэмія будзе. Іншая справа — якім будзе яе характар", — цытуюць яго словы агенцтвы.
Паводле звестак Анішчанкі, колькасць захварэлых на халеру на Гаіці складае каля 231 тысячы чалавек, 4549 хворых сканалі. Ён дадаў, што смяротнасць эпідэміі халеры ў краіне складае 2,2 адсотка. Галоўны санітарны ўрач РФ таксама нагадаў, што, апроч Гаіці, 1300 выпадкаў халеры было выяўлена ў Дамініканскай Рэспубліцы. Акрамя таго, паводле інфармацыі кіраўніка Расспажыўнагляду, халерай заразіліся 278 жыхароў Венесуэлы. Ён дадаў, што выпадкі інфекцыі таксама зарэгістраваны ў ЗША і Канадзе.
Фарбавальнік, які выкарыстоўваецца ў коле, выклікае анкалагічныя захворванніІнгрэдыент Соса-Соlа і Рерsі пагражае развіццём рака. Таму яго трэба забараніць, заклікае група экспертаў. Спрэчкі выклікаў штучны фарбавальнік, які дае карычневы колер напою, паведамляе Thе Dаіlу Mаіl. У гэтым штучным фарбавальніку ўтрымліваюцца два канцэрагенных хімічных злучэнні.
Дадзены фарбавальнік атрымліваецца ў выніку рэакцыі цукру з аміякам і сульфітамі пад вялікім ціскам і высокімі тэмпературамі. У выніку хімічнага ўзаемадзеяння ўтвараюцца дзве субстанцыі: 2-MІ і 4-MІ. Менавіта яны вінаватыя ў раку лёгкіх, печані, шчытападобнай залозы і ў лейкеміі, што даказалі лабараторныя эксперыменты з грызунамі.
Навукоўцы з Універсітэта Каліфорніі выявілі значнае ўтрыманне 4-MІ у пяці марках колы. Дырэктар Цэнтра навукі ў інтарэсах грамадства Майкл Ф. Джейкабсан выступіў са зваротам да дзяржпрадстаўнікоў з просьбай прыняць меры. Кампаніі Соса-Соlа і Рерsі пакуль ніяк не пракаментавалі гэтую заяву.