Амерыканскі вучоны абверг атручэнне Бетховена свінцом

Амерыканскі вучоны абверг меркаванне пра тое, што Людвіг ван Бетховен памёр у выніку атручэння свінцом, паведамляе Nеwswіsе. Даследаванне астанкаў вялікага кампазітара правёў супрацоўнік Медыцынскай школы Маунт Сінай Эндру Тод.

Па словах Тода, пры кантакце са свінцом 95 працэнтаў металу адкладаецца ў костках, дзе яго наяўнасць можна вызначыць праз многія гады пасля смерці чалавека. Вучоны паспрабаваў вызначыць наяўнасць свінцу ў адным з фрагментаў чэрапа Бетховена, які захаваўся, з дапамогай рэнтгенафлуарэсцэнтнага аналізу.

Па выніках праведзенага аналізу Тод высветліў, што фрагмент чэрапа вялікага кампазітара ўтрымлівае 12 мікраграмаў свінцу на грам касцявога рэчыва.

Аднак, на думку вучонага, нармальны ўзровень свінцу ў костках сярэднестатыстычнага мужчыны, які памёр ва ўзросце Бетховена, павінен складаць прыкладна 21 мікраграм металу на грам касцявога рэчыва. На падставе атрыманых звестак Тод заключыў, што смерць кампазітара ў выніку атручэння свінцом малаверагодная.