І хто яго ўсяму гэтаму навучыў?

На возеры Спораўскае ў Бярозаўскім раёне падчас забароны на лоўлю рыбы сеткамі яе здабываў навучэнец установы адукацыі "Белаазерскі электратэхнічны каледж".

Пры затрыманні работнікамі Бярозаўскай міжрайінспекцыі парушальнік не выканаў патрабавання спыніцца для высвятлення абставінаў здарэння, неаднаразова спрабаваў вырвацца і збегчы з месца парушэння. У затрыманага канфіскаваны прагумаваны рыбацкі касцюм, тры сеткі агульнай даўжынёй 150 метраў і 442 асобіны розных відаў рыбы. Матэрыялы накіраваныя ў міліцыю для разгляду пытання адносна завядзення крымінальнай справы. За непадпарадкаванне службовай асобе пры выкананні ёй службовых паўнамоцтваў на парушальніка складзены адміністрацыйны пратакол.