Кот, мужчына і ратавальнікі

2 чэрвеня каля 22 гадзін бабруйскія ратавальнікі атрымалі паведамленне пра мужчыну, які знаходзіцца на дрэве на ўзроўні 6 паверха (гэта каля 18 метраў) і не здольны сам спусціцца на зямлю.

Як паведамілі ў Магілёўскім абласным упраўленні МНС, меў патрэбу ў дапамозе 31-гадовы мужчына, школьны настаўнік фізкультуры, які забраўся на сасну, каб зняць адтуль няшчаснага ката. Аднак калі чалавек наблізіўся да жывёлы, кот уцёк, а сам ён застаўся на дрэве і стаў прасіць мінакоў патэлефанаваць у МНС. Гісторыя завяршылася шчасліва: мужчыну знялі з дрэва, ніякіх траўмаў ён не атрымаў. Пра лёс ката нічога не паведамляецца.

Ілона Іванова.

Фота Магілёўскага УМНС.