Будзе горача i дажджлiва

На большай частцы тэрыторыi Беларусi чакаюцца кароткачасовыя дажджы i навальнiцы, месцамi лiўнi, магчымы град. Пры навальнiцах шквалiстае ўзмацненне ветру да 15-20 метраў за секунду. 2 i 3 чэрвеня дзённая тэмпература будзе дасягаць 22-28 градусаў, ва ўсходнiх рэгiёнах месцамi да 30. Толькi на паўднёвым захадзе Брэсцкай i Гродзенскай абласцей дзённая тэмпература не перасягне 18-21 градуса. У пятнiцу тэмпература будзе вагацца ад 15 градусаў цяпла ў заходнiх раёнах да плюс 28 на ўсходзе краiны.