У арэале пражывання сокала-пустальгі гінуць векавыя сосны
Пашкадуйце птушак!
Як высветлілася гэтымі днямі, у Мачулішчах каля сталіцы высеклі тры даволі вялікія сасны на тэрыторыі будучага заказніка мясцовага значэння "Сакаліны".
Паводле інфармацыі спецыяліста Мінскай раённай інспекцыі прыродных рэсурсаў і аховы навакольнага асяроддзя Валерыя Чумакова, высяканне было законным, бо зямельны ўчастак куплены на аўкцыёне, а зямля кваліфікуецца як ворная, аднак...
Спецыяліст па экалагічнай адукацыі ГА "Ахова птушак Бацькаўшчыны" Руслан Шайкін
лічыць гэтае здарэнне экалагічным вандалізмам, бо тэрыторыя, дзе растуць сосны,
— месца гнездавання рэдкага віду сокала-пустальгі. Гэты прыгожы драпежнік занесены
ў Чырвоную кнігу Беларусі і мае еўрапейскі ахоўны статус, бо яго колькасць памяншаецца
ў Францыі, Вялікабрытаніі, Украіне, Літве і Беларусі. У нашай краіне гняздуецца
ўсяго 1200 пар сокала-пустальгі. Гняздуецца пустальга звычайна на высокіх светлых
дрэвах, якімі, у тым ліку, з'яўляюцца і векавыя сосны. Рэдкі сокал жыве невялікімі
калоніямі, адна з якіх займае арэал рэліктавых соснаў у Мачулішчах.
Магчыма, тры асобныя сасны вялікага экалагічнага надвор'я ў Мачулішчах не рабілі, але існуе інфармацыя, што побач рыхтуюцца для продажу яшчэ зямельныя ўчасткі, дзе таксама растуць векавыя сосны.
Даведка "Звязды": <І>навуковае і тэхніка-эканамічнае абгрунтаванне заказніка мясцовага значэння "Сакаліны" падрыхтавана навукоўцамі НАН Беларусі і накіравана ў раённую інспекцыю Мінпрыроды.
<І>навуковае і тэхніка-эканамічнае абгрунтаванне заказніка мясцовага значэння "Сакаліны" падрыхтавана навукоўцамі НАН Беларусі і накіравана ў раённую інспекцыю Мінпрыроды.Дарэчы, у краінах Еўропы рэліктавыя дрэвы маюць спецыяльны ахоўны статус. На жаль, у Мачулішчах зямельныя ўчасткі, дзе растуць векавыя сосны, прапануюцца прыватным асобам ва ўласнасць без дадатковых умоў.
Сяргей КУРКАЧ.