Больш за 400 мільёнаў рублёў накіравалі ў вобласці на аднаўленне помнікаў Вялікай Айчыннай вайны

На Міншчыне амаль тры тысячы партызанскіх пахаванняў, месцаў баявой і воінскай славы, мемарыяльных комплексаў.

Падтрыманне гістарычнай спадчыны ў належным стане асабліва актуальна напярэдадні святкавання юбілею Вялікай Перамогі.

Так, на Любаншчыне знакаміты ваенны аэрадром— Зыслаў — змяніў сваё аблічча. Мемарыяльны комплекс аднаўлялі два гады. Прывялі да ладу зямлянкі, адрамантавалі стэлу і помнік воінам-вызваліцелям. 150 мільёнаў пайшлі на добраўпарадкаванне «тэрыторыі мінулага».