У суботу сонечна і цёпла да плюс 19

У пятніцу і суботу на тэрыторыю Беларусі завітае цёплае паветра з боку поўдня Еўропы, паведаміла рэдакцыі галоўны сіноптык Рэспубліканскага гідраметцэнтра Мінпрыроды Вольга Фядотава.

На выхадныя ўсталюецца цудоўнае веснавое надвор'е, калі толькі ў асобных раёнах пройдуць невялікія кароткачасовыя дажджы. Чакаецца парывісты паўднёвы вецер. Тэмпература сёння 6—12, па паўднёвым захадзе да 17 цяпла. У суботу стане яшчэ цяплей. Тэмпература ўначы плюс 1—9 градусаў, удзень 9—16, у Брэсцкай і на поўдні Гомельскай абласцях — да 19 цяпла.

У нядзелю характар надвор'я зменіцца. Атмасферны фронт з боку Заходняй Еўропы прынясе да нас халаднаватае і вільготнае надвор'е. Таму ўначы паўсюдна, а ўдзень месцамі пройдзе кароткачасовы дождж. Тэмпература паветра ўначы плюс 2—7, удзень — 6—13 цяпла.

Захаваецца ўмерана цёплае надвор'е ў пачатку наступнага тыдня. Месцамі чакаюцца невялікія дажджы. Тэмпература ўначы 0—6 цяпла, пры праясненнях да мінус 3 градусаў, удзень 5—13, у аўторак на паўднёвым захадзе — да плюс 15 градусаў.

Сяргей КУРКАЧ.