У Лынтупах адбудзецца інсцэніроўка Мукі Хрыста
15.03.2010 13:34
—
Новости Общества
28 сакавіка 2010 года, у Пальмовую нядзелю, у парафіі Святога Апостала Андрэя ў Лынтупах (Віцебская дыяцэзія, Пастаўскі дэканат) адбудзецца містэрыя "Мукі Пана". Паказ распачнецца а 16-й гадзіне каля касцёла.
Працягласць Крыжовага шляху, на якім адбудзецца тэатралізаванае разважанне, складае каля 500 метраў.
Містэрыя "Мукі Пана", якая адбываецца штогод у Лынтупах, кожны раз збірае ўсё большую колькасць вернікаў і становіцца для іх глыбокім духоўным перажываннем. Заахвочваем усіх, хто жадае прыняць удзел у набажэнстве, прывезці з сабою невялікі камень - сімвал граху, які будзе пакінуты пад крыжам.