У Пінску за 2 тысячы рублёў можна трапіць у мінулае

Новы атракцыён пад назвай “Паездка ў мінулае” з’явіўся ў Пінску. Жадаючыя ўсяго за 2 тысячы рублёў змогуць пракаціцца на металічным муляжы карэты. За гэтыя грошы кволы конік зробіць два кругі па гарадской плошчы. Прычым, пры падарожжы нельга паліць і знаходзіцца ў нецвярозым стане. 

Цікава, што атракцыён атрымаўся з прыхаваным сэнсам. Падчас падарожжа сапраўды можна ўбачыць сімвалы мінуўшчыны: старажытнае гарадзішча, езуіцкі калегіюм, помнік Леніну, першыя “хрушчоўкі”.