Ператрус у рэдакцыі «Народнай волі» + фота

Фота nv-online.info

У рэдакцыі недзяржаўнай газеты «Народная воля» праходзіць ператрус. Яго праводзяць супрацоўнікі Ленінскага РУУС сталіцы.

Іх цікавіла працоўнае месца журналісткі выдання Марыны Коктыш. У выніку канфіскаваны сістэмны блок камп’ютара, на якім працавала Коктыш. Пакуль дакладна невядома з якой гэта справай звязана.

У пачатку ператруса міліцыянты папрасілі ўсіх супрацоўнікаў рэдакцыі адключыць мабільныя тэлефоны.