З экіпажу Іл-76, затрыманага ў Бангкоку, знялі ўсе абвінавачанні - лётчыкі будуць вызваленыя

Пракуратура Тайланда прыняла рашэнне зняць абвінавачванні з экіпажа Іл-76, затрыманага ў Бангкоку з грузам зброі з Паўночнай Карэі, паведаміла газета Bangkok Post.

Як распавяла выданню крыніца, блізкая да расследавання, афіцыйна пра гэтае рашэнне будзе абвешчана ў пятніцу.

Лётчыкі сёння павінны быць вызваленыя.

Міхаіл Петухоў

Нагадаем, што члены экіпажу, які складаецца з чатырох грамадзян Казахстана - Аляксандпра Зрыбнева, Віктара Абдулаева, Віталія Шымкова і Ільяса Ісакава - і аднаго грамадзяніна Беларусі 54-гадовага Міхаіла Петухова, былі арыштаваныя 12 снежня, ім напачатку былі прад"яўленыя абвінавачванні па пяці пунктах, уключаючы незаконную перавозку зброі і захоўванне выбуховых рэчываў.

Паводле законаў Тайланда, лётчыкам магло пагражаць пажыццёвае зняволенне ці смяротнае пакаранне.