Беларуска-расійскія перамовы наконт нафты будуць працягнутыя ў панядзелак

Беларусь і Расія ў нядзелю не прынялі рашэння наконт паставак і транзіту нафты ў 2010 годзе,

і перамовы будуць працягнутыя ў панядзелак, паведаміла памочнік міністра энергетыкі Расійскай Федэрацыі Ірына Есіпава.

Расійскі бок заяўляе, што ў выпадку непадпісання пагаднення Беларусі прыйдзецца аплочваць 100% мытнай пошліны пры пастаўцы расійскай нафты. Мінск настойвае на льготным мытным рэжыме і ставіць пад сумнеў мэтазгоднасць мытнага саюза.