Тэрмін затрымання беларуска‑казахстанскага экіпажа падоўжаны на 12 дзён

Крымінальны суд Бангкока 14 снежня пастанавіў узяць пад варту экіпаж самалёта Іл‑76, які знаходзіцца ў Тайландзе з грузам зброі, і падоўжыў тэрмін затрымання на 12 дзён.

Экіпаж зарэгістраванага ў Грузіі самалёта складаецца з пяці чалавек: камандзір — грамадзянін Беларусі, астатнія — грамадзяне Казахстана.

Самаму малодшаму члену экіпажу — 53 гады, самаму старэйшаму — 58. Экіпаж будзе утрымлівацца ў бангкокской цэнтральнай турме Клонг Прэм.

Членам экіпажу самалёта прад’яўленыя абвінавачванні ў незаконным захоўванні зброі, паведамленні ілжывай інфармацыі аб характары грузу і спробе нелегальна правезці зброю праз тэрыторыю Тайланда.

Раней паведамлялася, што незаконны груз зброі прызначаўся для Шры‑Ланкі і Блізкага Усходу.

Самалёт Іл‑76 (бартавы нумар 4L‑AWA) з амаль 40 тонамі зброі, у тым ліку ручнымі гранатамётамі і пераноснымі зенітна‑ракетнымі комплексамі, быў затрыманы 12 снежня пасля надгляду ў аэрапорце Дон Мыанг у Бангкоку, дзе прызямліўся для дазапраўкі.

Камандзір самалёта грамадзянін Беларусі Міхаіл Петухоў паказаў падчас шасцігадзіннага допыту ва ўпраўленні па барацьбе са злачыннасцю паліцыі Тайланда, што самалёт вылецеў з Украіны і загрузіў зброю на борт у Паўночнай Карэі.

Ён таксама расказаў, што самалёт на шляху ў Пхеньян дазапраўляўся ў Азербайджане, затым у Аб’яднаных Арабскіх Эміратах, а затым у Тайландзе. На шляху назад меркаваліся дазапраўкі ў Тайландзе і на Шры‑Ланцы, пасля чаго груз павінен быў быць дастаўлены ва Украіну.

Петухоў адмовіўся даваць больш падрабязныя паказанні паліцыі, сказаўшы, што будзе гаварыць толькі на судзе. Камандзір экіпажа настойвае, што ні ён, ні яго калегі нічога не ведалі аб ваенным характары грузу.

Факт затрымання ў Бангкоку беларуса пацвердзілі ў МЗС Беларусі.