Ярмошына: няма грошай на празрыстыя скрыні і відэазапіс падліку галасоў

Цэнтравыбаркам не плануе маштабных закупак празрыстых скрыняў для галасавання, паведаміла старшыня ЦК Лідзія Ярмошына.

Паводле яе словаў, празрыстыя скрыні выкарыстоўваюцца там, дзе іх закупілі арганізатары выбарчых участкаў. «У агульнарэспубліканскім маштабе закупка такога абсталявання не плануецца», — сказала Лідзія Ярмошына.

А вось ідэю абсталяваць месцы для падліку галасоў відэакамерамі яна ўспрыняла станоўча. Але адзначыла, што для гэтага пакуль адсутнічаюць фінансавыя магчымасці.