Майкл Джэксан паспеў кланiраваць сябе?

Майя адмянiлi канец свету

2012 годзе, паводле меркаванняў шматлiкiх прадракальнiкаў i празорцаў, спынiцца, нарэшце, iснаванне чалавецтва. Гэтай цёмнай падзеi прысвечана нямала кнiг, фiльмаў i карцiн. Аднак iндзейцы майя, чый каляндар i паклаў пачатак легендзе пра Апакалiпсiс-2012, адмаўляюцца лiчыць гэтую дату канцом свету.

 

Старэйшына племя майя Апалiнарыа Чылi Пакiстан заявiў, што яго вельмi стамiлi частыя пытаннi аб хуткiм канцы свету. Людзi пiшуць лiсты, прыстаюць з пытаннямi, да месца i не да месца згадваюць каляндар i будучую катастрофу. Паводле слоў старэйшыны, тэорыi аб згубе ўсяго жывога нарадзiлiся на Захадзе, а зусiм не сярод майя. Усеагульная iстэрыя, якую нагнятаюць стваральнiкi кiнастужак i мастацкай лiтаратуры, не iдзе на карысць чалавецтву. "Дастаюць" пытаннямi пра канец свету не толькi iндзейцаў. Эн Марцiн, рэдактар сайта "Спытай астранома" з Карнуэльскага ўнiверсiтэта ў ЗША атрымлiвае тысячы лiстоў ад людзей з ўсiх канцоў свету. Пiшуць астраномам пенсiянеры, школьнiкi i нават маладыя мацi, усiх цiкавiць пытанне — цi праўда, што ў 2012 годзе чалавецтву прыйдзе канец.

Прадказаннi аб канцы свету ў 2012 годзе звязаныя са знаходкай у 1960 годзе ў Мексiцы календара майя. На поўднi краiны падчас пракладкi аўтамагiстралi рабочыя знайшлi каменную таблiцу з часткова сцёртым тэкстам. Расшыфраваныя надпiсы на камнi, якiя аказалiся календаром, абвяшчалi, што ў 2012 годзе наш свет чакаюць нейкiя дзiўныя падзеi з удзелам боства майя — Балона Йокта. У культуры iндзейцаў майя яго асацыююць адначасова з вайной i стварэннем новага свету.

Трактоўка еўрапейцаў, якiя расшыфравалi пасланне, больш чым празаiчная — пагiбель свету з-за вайны. Аднак псiхалогiя чалавека вельмi моцна змяняецца i тое, што здавалася натуральным для старажытных грэкаў або рымлян, сёння ўспрымаецца як крайняя жорсткасць. I гэта пры тым, што сучасная еўрапейская культура створаная на аснове антычнай культуры. Што ж казаць аб загадкавых надпiсах, якiя прадракаюць нейкую значную падзею, зробленую людзьмi абсалютна чужых культурных традыцый? Пра што насамрэч казаў каляндар майя, навукоўцам дакладна высветлiць дагэтуль не атрымалася.

Маладзейшая, разумнейшая, iдэальная Брытанскiя навукоўцы высветлiлi, што найбольшыя шанцы на даўгалецце маюць першыя шлюбы, у якiх жанчына маладзейшая за мужчыну на пяць гадоў i пры гэтым значна пераўзыходзiць яго па разумовых здольнасцях i адукацыi.

У даследаваннi групы навукоўцаў з брытанскага ўнiверсiтэта горада Бат узялi ўдзел больш за 1,5 тысяч пар, якiя знаходзяцца ў шлюбе або ў сур'ёзных адносiнах. Навукоўцы параўноўвалi моц iх адносiнаў з такiмi аб'ектыўнымi фактарамi, як узрост, адукацыя i сацыяльнае паходжанне мужа i жонкi. Як аказалася, часцей за ўсё распадаюцца саюзы, у якiх жонка старэйшая за мужа на тры гады i больш. У такiх сем'ях разводы адбываюцца ў тры разы часцей, чым у сем'ях, дзе муж i жонка аднагодкi. Больш за ўсё шанцаў на доўгае шлюбнае жыццё ў сем'яў, у якiх мужы старэйшыя за жонак на пяць гадоў. Аднак маладосць жонкi — не панацэя. Найбольшую верагоднасць пражыць доўга i шчаслiва маюць пары, у якiх жонка нашмат адукаванейшая за мужа.

Волас Элвiса прададзены за 1055 фунтаў

Адзiн волас Элвiса Прэслi быў прададзены на аўкцыёне Henry Aldridge and Son.

Папярэдняя ацэнка лота, якi ўяўляе валасiнку даўжынёй каля 1 сантыметра ў раме, склала прыкладна 250 фунтаў. Да куплi прыкладаўся сертыфiкат прыдатнасцi, падпiсаны папярэднiм уладальнiкам, Томасам Морганам-малодшым.

Морган набыў валасiнку Элвiса Прэслi у 2002 годзе ў цырульнiка, якi стрыг спевака на працягу амаль 20 гадоў. Вядома, што Гамер Джыл Джылеленд збiраў валасы музыканта, а пасля яго смерцi ў 1977 годзе прадаваў iх як сувенiры праз дарогу ад дома караля рок-н-рола. Прыхiльнiкам Элвiса Прэслi, якiя марылi завалодаць яго валасамi, не варта засмучацца. У 2002 годзе на iнтэрнэт-аўкцыёне за 115 тысяч долараў

Майкл Джэксан паспеў кланiраваць сябе? Кажуць, што ў апошнiя месяцы свайго жыцця Майкл Джэксан адчуваў, што смерць ужо блiзка. Але кумiр мiльёнаў, кароль поп-музыкi, зусiм не хацеў пакiдаць гэты свет. Паводле рассакрэчаных звестак, каб зрабiць сваю творчасць бессмяротнай, ён кланiраваў сябе.

Як стала вядома, яшчэ ў 1996 годзе Джэксан прайшоў некалькi прасторавых сканаванняў, для таго каб, калi прыйдзе час, спецыялiсты змаглi стварыць вiртуальнага робата. Цяпер, калi знакамiты выканаўца пакiнуў гэты свет, яго справу працягне той самы клон, якi будзе выкарыстоўвацца ў стварэннi новых вiдэаклiпаў i фiльмаў. Навiна аб iснаваннi камп'ютарнага робата рассакрэцiў амерыканскi бiзнэсмен, якому належаць малюнкi i якi збiраўся прадаць iх за 1 мiльён долараў. "Звесткi ляжалi ў нашым архiве з тых часоў, як Майкл Джэксан прайшоў сканаванне. Самае цiкавае ў гэтых звестках, што яны зрабiлi бессмяротнымi яго аблiчча ва ўзросце 37 гадоў, у самы росквiт яго жыцця i кар'еры, яшчэ да таго, як у яго пачалiся праблемы, звязаныя са шматлiкiмi пластычнымi аперацыямi", — адзначыў бiзнэсмен у iнтэрв'ю брытанскай газеце.

Амерыканцам тэлефон важней за сэкс "Мабiльны тэлефон як жанчына: функцый шмат, а патрэбна ўсяго адна", — абвяшчае даволi вядомае выказванне. Праверыць яго ў нейкай ступенi паспрабавалi амерыканскiя сацыёлагi, якiя выконвалi заказ адной вядомай кампанii, мэта якога была ў тым, каб усталяваць, наколькi мабiльны тэлефон стаў неабходным атрыбутам сучаснага жыцця.

У даследаваннi бралi ўдзел сотнi чалавек з розных рэгiёнаў ЗША. Перад удзельнiкамi даследавання ставiлася пытанне: ад чаго яны гатовыя адмовiцца на цэлы год — ад сэксу або ад выкарыстання мабiльнага тэлефона? Яшчэ не так даўно былi часы, калi нiякiх мабiльных тэлефонаў не было. Можа быць, менавiта з гэтай нагоды большасць рэспандэнтаў усё ж гатовая ахвяраваць мабiльным тэлефонам i выбрала сэкс. Але значная частка, трацiна апытаных, заявiлi, што з радасцю адмовяцца ад цялесных уцех, абы не развiтвацца з "любiмай цацкай". Акрамя таго, падчас даследавання высветлiлася, што сярэднестатыстычны жыхар Чыкага аддае тры гадзiны ў суткi свайму мабiльнаму тэлефону.

Навукоўцы звязваюць гэта з тым, што з развiццём тэхнiкi i трывалым уваходжаннем яе ў паўсядзённае жыццё людзi прывыклi значна менш мець стасункi ўжывую. У вынiку гэтага важныя пытаннi пачынаюць вырашацца дыстанцыйна, прапановы ажанiцца або развесцiся i прызнаннi ў каханнi робяцца не гледзячы ў вочы, а па тэлефоне або камп'ютары. Як вынiк, падобныя стасункi вельмi часта не вядуць да стварэння моцнай сям'i, у якой сэкс з'яўляецца важным элементам.

Старыя-разбойнiкi

Унiкальны ў гiсторыi крымiналiстыкi выбух "састарэлай" злачыннасцi зафiксаваны ў англiйскiм Самерсэце. За два гады за кратамi апынулася больш за 200 пенсiянераў.

Апошняму па лiку зламыснiку было 99 гадоў. А усяго за два гады тут было арыштавана 200 мужчын i 23 жанчыны ва ўзросце ад 70 гадоў па 62 розных абвiнавачваннях. 99-гадовы парушальнiк наогул стаў самым старым брытанцам, якога калi-небудзь арыштоўвалi. Ён быў затрыманы за незаконнае пранiкненне ў чужую хату i рабаванне. У маладзейшых зламыснiкаў злачынствы былi куды больш значныя. Так, 71-гадовую жыхарку арыштавалi за арганiзацыю забойства, а 80-гадовую даму (!) — за нанясенне цяжкiх пашкоджанняў.

Каля 36 % старых былi арыштаваныя за злачынствы на сэксуальнай глебе, уключаючы i 74-гадовую бабульку, якая ўмудрылася спакусiць хлопчыка 13 гадоў, якi знаходзiўся пад яе апекай. Адным з самых дзiўных ва ўсёй гэтай i без таго дзiўнай гiсторыi з'яўляюцца паведамленнi аб арыштах за... заняткi прастытуцыяй.

На гэтым фоне такiя абвiнавачваннi, як захоўванне аўтаматычнай зброi, адмыванне грошай, махлярствы i "п'яная язда" сярод пенсiянераў выглядаюць зусiм нявiнна.