У Мiнску будзе вуліца Ефрасiннi Полацкай?

Адна з вулiц у Фрунзенскiм раёне сталiцы можа быць названая iмем Прападобнай Ефрасiннi Полацкай.

Як расказалi ў аддзеле культуры раённай адмiнiстрацыi, цяпер гэта вулiца безыменная. Яна прымыкае да прыхода ў гонар iконы Божай Мацi "Усiх Смуткуючых Радасць", на тэрыторыi якога знаходзiцца невялiкая Свята-Ефрасiннеўская царква.

Адмiнiстрацыя раёна накiравала ва ўпраўленне культуры Мiнгарвыканкама лiст з прапановай так назваць гэту вулiцу. Канчатковае рашэнне прыме Камiсiя па найменнi i перанайменнi праспектаў, вулiц, плошчаў i iншых складовых частак горада.