Ганкураўская прэмiя ўпершыню за 10 гадоў прысуджана жанчыне

Лаўрэатам Ганкураўскай прэмii 2009 года стала 42-гадовая франка-сенегальская пiсьменнiца Мары Ндзiяе за раман "Тры моцныя жанчыны". Упершыню за апошнiя 10 гадоў прэмiя прысуджана жанчыне i ўпершыню за гiсторыю прэмii — чарнаскурай жанчыне.

Раман "Тры моцныя жанчыны", якi цёпла сустрэла крытыка i якi стаў бестселерам, складаецца з трох частак i распавядае аб узаемаадносiнах жыхароў Афрыкi i Заходняй Еўропы. Першая частка ўяўляе сабой гiсторыю францужанкi, якая адпраўляецца ў Сенегал на пошукi свайго бацькi; другая — аповед пра жыццё сямейнай пары: мужа-француза i жанчыны-афрыканкi; трэцяя — пра лёс маладой сенегалкi, вымушанай эмiграваць у Еўропу.

Ндзiяе заявiла, што не лiчыць сябе "сiмвалам" i не бачыць нiчога незвычайнага ў тым, што стала першым чарнаскурым лаўрэатам Ганкураўскай прэмii. "Я вырасла ў грамадстве, якое цалкам складаецца з французаў. Мае афрыканскiя каранi не так ужо шмат значаць, людзi проста ведаюць пра iх па колеры маёй скуры i iменi", — заявiла пiсьменнiца.

Мары Ндзiяе апублiкавала першы раман у 17 гадоў i з той пары стала даволi папулярнай у Францыi пiсьменнiцай i сцэнарысткай. Яна з'яўляецца адзiным драматургам, якiя цяпер жывуць, чые п'есы ставяцца ў "Камедзi Франсез".