Сярод шпіталізаваных з пнеўманіяй – Алесь Бяляцкі

Як распавёў НН Алесь Бяляцкі, сітуацыя ў 3-й бальніцы Мінска, дзе знаходзіцца праваабаронца, «як падчас вайны».

Для хворых на пнеўманію выдзялілі яшчэ адно дадатковае аддзяленне. Хворыя ляжаць нават на калідорах. Ложкаў не хапае, таму забіраюць крэслы ў сталоўцы і кладуць на іх матрацы. Цяпер на калідоры знаходзіцца 17 хворых. Харчаванне ў сталоўцы адбываецца стоячы.

Тым не менш, як адзначыў віцэ-прэзідэнт Міжнароднай федэрацыі правоў чалавека Алесь Бяляцкі, каранцін не аб’яўлены, бальніца свабодная для наведвальнікаў.