Дзве даты. 31 кастрычніка

1917 год — у Мiнску адкрыўся з'езд воiнаў-беларусаў Заходняга фронту: удзельнiчалi прадстаўнiкi Паўночнага i Румынскага франтоў, Балтыйскага флоту. З'езд выказаўся за аўтаномiю Беларусi, за адкрыццё ўнiверсiтэта i iншых ВНУ, стварыў Часовы выканаўчы камiтэт Цэнтральнай беларускай вайсковай рады (старшыня С.А. Рак-Мiхайлаўскi).   1517 год — Марцiн Лютэр у Вiтэнбергу (Германiя) абвясцiў 95 тэзiсаў з нагоды рэфармавання вучэння i арганiзацыi хрысцiянскай царквы. Пачатак Рэфармацыi ў Еўропе. З сярэдзiны XVІ стагоддзя новая плынь стала шырока распаўсюджвацца i па Беларусi.