Сярод вяскоўцаў паважаныя

— Цi лiчыце вы сябе шчаслiвымi? — спытаў я ў 87-гадовага жыхара вёскi Халоднiкi Калiнкавiцкага раёна Мiкалая Ражкова.

— Чаму ж не, лiчым! — за сябе i жонку, Фядору Панкратаўну, адказвае мой суразмоўца. — Жыццё пражылi дастойна, людзям у вочы глядзець не сорамна. Працавалi сумленна, чацвёра сыноў нарадзiлi, унукаў маем добразычлiвых. Канечне ж, за 62 гады сумеснага жыцця iншы раз здаралiся спрэчкi ў сям’i. Але мы з маёй палавiнай — людзi незласлiвыя!