Памёр акцёр Сямён Фарада
Лiтву абвiнавацiлi ва ўтрыманнi тайнай турмы ЦРУ
У Лiтве да 2005 года дзейнiчала тайная турма ЦРУ для асобаў, якiх падазраюць у тэрарызме, сцвярджае амерыканскi тэлеканал АBС Nеws са спасылкай на неназваных экс-супрацоўнiкаў спецслужбы. У Вiльнюсе гэтую iнфармацыю аспрэчваюць i называюць "мiфам або правакацыяй".
Паводле звестак журналiстаў, лiтоўскi бок перадаў ЦРУ ў карыстанне нейкi будынак у наваколлi Вiльнюса, дзе ўтрымоўвалася 8 баевiкоў "Аль-Каiды". Такiм чынам Лiтва разлiчвала ўмацаваць адносiны з ЗША. У 2005 годзе зняволеных вывезлi з краiны. Дакументы пацвярджаюць, што ў названы перыяд у Лiтве неаднаразова садзiлiся самалёты ЦРУ, адзначае АBС Nеws.
Турма ў Лiтве была адной з адмысловых турмаў, створаных пасля 11 верасня 2001 года для кiраўнiкоў "Аль-Каiды", заявiў нейкi адстаўны супрацоўнiк ЦРУ. Раней паведамлялася, што падобныя турмы iснавалi ў Тайландзе, Румынii, Польшчы, Марока i Афганiстане. Многiя вязнi такiх сакрэтных турмаў сцвярджаюць, што iх катавалi.
У лiтоўскiм пасольстве ў Вашынгтоне i ў МЗС Лiтвы абверглi iнфармацыю аб тайнай турме.
Выбухi ў Грозным здзейснiлi смяротнiкi на веласiпедах
У розных частках Грознага за гадзiну адбылося пяць тэрактаў: усе выбуховыя прыстасаваннi былi прыведзеныя ў дзеянне тэрарыстамi-смяротнiкамi на веласiпедах.
Выбухi адбылiся ў перыяд з 13.00 да 14.00 на вулiцах Першамайская, Багдана Хмяльнiцкага, Маякоўскага, а таксама ў Кастрычнiцкiм раёне i адным з мiкрараёнаў горада.
Паводле некаторых звестак, у вынiку двух тэрактаў загiнулi чатыры мiлiцыянеры, адзiн атрымаў раненне. Звестак аб пацярпелых пры трох астатнiх выбухах на момант падрыхтоўкi нумара не было.
Памёр акцёр Сямён Фарада
Выбiтны акцёр тэатра i кiно Сямён Фарада пайшоў з жыцця ўвечары 20 жнiўня ў маскоўскiм шпiталi iмя Вiшнеўскага. Прычынай смерцi стала хранiчная сардэчна-сасудзiстая недастатковасць.
Фарада будзе пахаваны ў панядзелак 24 жнiўня на Траекураўскiх могiлках. Развiтанне з iм пачнецца ў гэты ж дзень у 12.00 у Цэнтральным доме кiнематаграфiстаў.
Генiяльны выканавец характэрных роляў памёр на 76-м годзе жыцця. Варта адзначыць, што ў апошнiя гады акцёр не здымаўся ў новых фiльмах i не з'яўляўся ў тэатры, паколькi яго здароўе было моцна падарванае. Фарада прайшоў лячэнне як мiнiмум у 10 бальнiцах.
Адной з самых запамiнальных работ Фарады стала роля Маргадона ў iранiчнай меладраме Марка Захарава "Формула кахання". Песня "Уно маменто", якую Фарада ў гэтым фiльме выконваў разам з Аляксандрам Абдулавым, стала тагачасным кiнахiтом.
Гамеапатыя —
не ад усiх хваробаў
Сусветная арганiзацыя аховы здароўя (САЗ) перасцерагае ад гамеапатычнага лячэння людзей, якiя хварэюць на ВІЧ-iнфекцыю, сухоты i малярыю. Як гаворыцца ў заяве САЗ, гамеапатычныя сродкi могуць паставiць жыццё такiх хворых пад пагрозу.
Заява САЗ было зроблена ў адказ на запыт прадстаўнiкоў арганiзацыi Vоiсе оf Yоung Sсiеnсе Nеtwоrk, якая аб'ядноўвае маладых вучоных. Даследчыкi выказалi занепакоенасць тым, што прапаганда гамеапатычнага лячэння ў краiнах, якiя развiваюцца, можа быць небяспечная пры лячэннi некаторых захворванняў.
Абама абмеркаваў у iнтэрв'ю прэзiдэнцкую "кнiгу таямнiц"
Барак Абама азнаёмлены з "кнiгай таямнiц", згаданай у другiм мастацкiм кiнафiльме серыi "Скарб нацыi". Як перадало Аssосiаtеd Рrеss, такое "прызнанне" Абама зрабiў падчас iнтэрв'ю з тэле- i радыёвядучым Майклам Смерканiшам.
Паводле сюжэта прыгоднiцкага фiльма, "кнiга таямнiц" утрымлiвае звесткi пра забойства Джона Кэнэдзi i кантактах з прышэльцамi, а доступ да яе маюць толькi прэзiдэнты ЗША.
У гутарцы журналiст згадаў, што яго дзецi глядзелi фiльм "Скарб нацыi: Кнiга таямнiц", што выйшаў у 2007 годзе, i лiчаць, што сакрэты, якiя хвалююць амерыканскi народ, цяпер адкрытыя новаму прэзiдэнту. Абама запэўнiў, што так i ёсць, але пра змест кнiгi гаварыць адмовiўся.