Напрыканцы года, завяршаючы чараду юбілеяў сельгаспрадпрыемстваў Карэліччыны, чарговы дзень нараджэння адзначае ААТ “Карэлічы-Лён”. Бягучы год для 45-гадовага юбіляра стаў надзвычай удалым і паспяховым. Працаўнікі прадпрыемства атрымалі выдатны ўраджай сыравіны, а “Карэлічы-Лён” – найвышэйшую адзнаку Прэзідэнта Рэспублікі Беларусь Аляксандра Лукашэнкі падчас яго вераснёўскага візіту на завод.
