Лукашэнка паедзе ў Азэрбайджан

Пра гэта са спасылкай на амбасадара Беларусі ў Баку Мікалая Пацкевіча паведамляе азэрбайджанскае інфармацыйнае агенцтва АРА.Як заявіў сёньня журналістам беларускі амбасадар, дакладная дата візыту А.Лукашэнкі ў Азэрбайджан пакуль невядомая, аднак гэта адбудзецца ў першай палове году. 

Паводле словаў дыплямата, цяпер абмяркоўваецца праграма гэтага наведаньня, якое “стане новым імпульсам у разьвіцьці сувязяў паміж краінамі”.