Прэзідэнты Беларусі і Расіі абмяняліся велікоднымі віншаваннямі

Па ініцыятыве расійскага боку 5 мая адбылася тэлефонная размова Прэзідэнта Беларусі Аляксандра Лукашэнкі і Прэзідэнта Расійскай Федэрацыі Уладзіміра Пуціна.

Лідары дзвюх дзяржаў абмяняліся віншаваннямі з нагоды Свята Вялікадня, пажадаўшы народам брацкіх краін дабра і працвітання. Акрамя таго, прэзідэнты абмяняліся віншаваннямі напярэдадні Дня Перамогі. Аляксандр Лукашэнка і Уладзімір Пуцін абмеркавалі існуючую сітуацыю ў двухбаковых адносінах і на міжнароднай арэне.