Пётр Пракаповіч назначаны віцэ-прэм'ерам Беларусі

Прэзідэнт Беларусі Аляксандр Лукашэнка назначыў Пятра Пракаповіча намеснікам прэм'ер-міністра, вызваліўшы яго ад пасады памочніка Прэзідэнта Рэспублікі Беларусь.

На Пятра Пракаповіча ўскладзена адказнасць за забеспячэнне выканання важнейшых параметраў прагнозу сацыяльна-эканамічнага развіцця Рэспублікі Беларусь, выканання рэспубліканскага бюджэту і ажыццяўлення мерапрыемстваў па мадэрнізацыі беларускай эканомікі. Таксама кіраўнік дзяржавы вызваліў Мікалая Корбута ад пасады кіраўніка спраў Прэзідэнта Беларусі ў сувязі з пераходам на іншую работу. Адпаведныя ўказы Аляксандр Лукашэнка падпісаў 18 студзеня.

Прэс-служба Прэзідэнта Рэспублікі Беларусь.