Бачыць забаронена

Кандыдата у дэпутаты па Брэстскай Заходняй акрузе № 1 Аляксандра Мельніка не дапусцілі на падлік галасоў на выбарчым участку ў чыгуначнай бальніцы.

Пра гэта Радыё "Свабода" паведаміў Дзяніс Турчаняк, які з'яўляецца даверанай асобай спадара Мельніка. Галасаванне на выбарчым участку у бальніцы скончылася. Па словах Дзяніса Турчаняка, камісія ўжо лічыць галасы у кабінеце галоўнага ўрача.

Чаму кандыдату нельга бачыць падлік галасоў - пытанне рытарычнае. Па дадзенай акрузе, дарэчы, кандыдатам улады з'яўляецца дырэктар мясцовага ЦУМа Віктар Валюшыцкі.