Дэманстратыўна супраць усіх

Назіральнік Уладзімір Шыла расказаў пра пратэстныя настроі выбарцаў на 77-м і 78-м выбарчых участках Салігорскай сельскай выбарчай акругі. Па яго словах, людзі галасуюць супраць усіх кандыдатаў.- Скрыні для галасавання тут устаноўлены так, што назіральнікі нявольна бачаць, за каго галасуюць выбарцы. Некаторыя з іх, канешне, бюлетэні складваюць, але большасць не хавае свайго выбару, - кажа Уладзімір Шыла. - Таму добра бачна, што большасць выбарцаў галасуе супраць усіх кандыдатаў.
Пры гэтым, адзначае спадар Шыла, многія робяць гэта дэманстратыўна:
- Некаторыя, атрымаўшы бюлетэнь, наўпрост на стале, на вачах у камісіі, не ідучы ў кабінку для галасавання, ставяць галачку супраць усіх. Выглядае гэта як нейкі публічны пратэст.- Выбарчыя камісіі чамусьці паставілі скрыні для галасавання такім чынам, што Людзі наўпрост кажуць, што тут няма за каго галасаваць.
Такую сітуацыю незалежны назіральнік бачыць з першага дня датэрміновага галасавання, сцярджаюць "Праваабаронцы за свабодныя выбары”
Нагадаем, што па гэтай акрузе ў Палату прадстаўнікоў балатуецца адыёзная кіраўніца упраўлення адукацыі Мінабвыканкама Таіса Данілевіч, якая выганяла са школ настаўнікаў, якія ўступілі ў апазіцыйныя партыі. Канкурэнтам Данілевіч з'яўляецца малавядомы прадстаўнік ЛДПБ. Апазіцыянер Марат Агафонаў зняўся з выбараў на знак пратэсту.