Лазавік: Найбольш верагодная дата парламенцкіх выбараў - 23 верасня

"Выбары ў Палату прадстаўнікоў, паводле заканадаўства, не могуць праводзіцца пазней за 26 верасня. Аднак паводле беларускага заканадаўства, яны абавязкова праходзяць у нядзелю.

А апошняя нядзеля перад 26-м прыпадае на 23-га верасня. Хоць не выключана, што выбары могуць адбыцца і на тыдзень раней", — заявіў старшыня ЦВК Мікалай Лазавік у інтэрвью "Свабодзе".

Спадар Лазавік згадаў таксама, што афіцыйны старт выбарчай кампаніі дае адпаведны прэзідэнцкі ўказ.

"Мы чакаем, што ён з'явіцца дзесьці ў сярэдзіне чэрвеня. Указ вызначае канкрэтную дату правядзення выбараў. І ад гэтай даты мы рыхтуем каляндарны план правядзення выбарчай кампаніі", — дадаў Лазавік.