Графік выплаты пенсій скарэкціраваны ў сувязі са святкаваннем каляд

У Беларусі графік выплаты пенсій скарэкціраваны ў сувязі са святкаваннем праваслаўных каляд. Аб гэтым паведамілі БЕЛТА ў РУП "Белпошта".

Датэрміновая выплата пенсій (дапамог) за 7 студзеня ў аддзяленнях паштовай сувязі (АПС) г. Мінска, Брэсцкай, Магілёўскай, Мінскай і сельскіх АПС Віцебскай абласцей будзе праводзіцца 4 студзеня, у АПС Гомельскай, Гродзенскай і гарадскіх АПС Віцебскай абласцей — 5 студзеня. У РУП "Белпошта" праінфармавалі, што 7 студзеня 2012 года будуць функцыянаваць толькі дзяжурныя аддзяленні паштовай сувязі.