Расходы Фонду сацабароны насельніцтва на 2011 год павялічаны на Br1,95 трлн

Расходы дзяржаўнага пазабюджэтнага Фонду сацабароны насельніцтва Мінпрацы і сацабароны на 2011 год павялічаны на Br1,95 трлн. Адпаведны ўказ № 571 "Аб удакладненні асобных паказчыкаў бюджэту дзяржаўнага пазабюджэтнага Фонду сацыяльнай абароны насельніцтва Міністэрства працы і сацыяльнай абароны на 2011 год" 8 снежня падпісаў Прэзідэнт Беларусі Аляксандр Лукашэнка.

"З улікам больш высокага, чым планавалася, паступлення даходаў на Br1,95 трлн павялічаны расходы фонду, якія будуць накіраваны на выплату працоўных і сацыяльных пенсій, пенсійных выплат дзяржаўным служачым, дапамог па цяжарнасці, родах і часовай непрацаздольнасці, у сувязі з нараджэннем дзіцяці, сем'ям, якія выхоўваюць дзяцей, а таксама на фінансаванне спецыялізаваных вучэбна-спартыўных устаноў Федэрацыі прафсаюзаў Беларусі", — праінфармавалі ў прэс-службе.

Прэс-служба Прэзідэнта Рэспублікі Беларусь.