Аляксандр Лукашэнка павіншаваў беларускага пісьменніка Івана Муравейку з 90-годдзем

Прэзідэнт Рэспублікі Беларусь Аляксандр Лукашэнка павіншаваў члена грамадскага аб'яднання "Саюз пісьменнікаў Беларусі" заслужанага работніка культуры БССР Івана Муравейку з 90-годдзем. Аб гэтым БЕЛТА паведамілі ў прэс-службе беларускага лідара.

Як адзначыў кіраўнік дзяржавы, жыццё Івана Муравейкі з'яўляецца яскравым прыкладам самаадданага служэння Радзіме. "Прыміце самыя шчырыя і цёплыя словы ўдзячнасці за мужнасць салдата і стойкасць патрыёта Беларусі", — гаворыцца ў віншаванні. Аляксандр Лукашэнка пажадаў юбіляру моцнага здароўя, бадзёрасці, шчасця і дабрабыту.