Прэзідэнт Рэспублікі Беларусь Аляксандр Лукашэнка павіншаваў удзельнікаў VІ Міжнароднага фестывалю Юрыя Башмета з адкрыццём гэтага форуму

.За сваю параўнальна кароткую гісторыю гэты творчы форум, у аснову якога закладзена высакародная ідэя збліжэння народаў з дапамогай вялікага мастацтва, ператварыўся ў адну з найбуйнейшых культурных з'яў нашага часу, адзначыў кіраўнік дзяржавы. На яго сцэнічных пляцоўках прайшлі дзясяткі незабыўных канцэртаў, якія злучылі класіку і сучаснасць, выступілі праслаўленыя артысты і загарэліся новыя зоркі. "Сёлета фестываль Юрыя Башмета зноў збярэ ў Мінску лепшых выканаўцаў з Еўропы і Садружнасці Незалежных Дзяржаў, дэманструючы адкрытасць Беларусі і той вялізны ўклад, які яна ўносіць у развіццё міжнароднага культурнага супрацоўніцтва. Няхай жа фестывальныя дні стануць сапраўдным святам для ўсіх артыстаў і слухачоў, паслужаць умацаванню свету і духоўнаму прагрэсу чалавецтва", — пажадаў Прэзідэнт удзельнікам фестывалю.

Прэс-служба Прэзідэнта Рэспублікі Беларусь.