Пракурорскія работнікі ў Беларусі будуць узнагароджвацца медалём "За бездакорную службу"

Кіраўнік дзяржавы Аляксандр Лукашэнка 11 жніўня падпісаў указ № 364, якім унесены дапаўненні ва ўказ ад 8 красавіка 2005 года № 168 "Аб некаторых пытаннях узнагароджання дзяржаўнымі ўзнагародамі Рэспублікі Беларусь", паведамілі БЕЛТА ў прэс-службе Прэзідэнта.

Указ прыводзіцца ў адпаведнасць з артыкулам 20 закона "Аб дзяржаўных узнагародах Рэспублікі Беларусь" (у рэдакцыі ад 3 чэрвеня 2011 года) і прадугледжвае ўзнагароджанне медалём "За бездакорную службу" пракурорскіх работнікаў.