У Беларусі спрашчаецца парадак спагнання запазычанасцяў

Адпаведны ўказ № 366 "Аб некаторых пытаннях натарыяльнай дзейнасці" Прэзідэнт Беларусі падпісаў 11 жніўня, паведамілі БЕЛТА ў прэс-службе кіраўніка дзяржавы.

Так, вырашэнне бясспрэчных патрабаванняў будзе праводзіцца ў пазасудовым парадку на падставе звароту за ажыццяўленнем выканаўчага надпісу. У сувязі з гэтым указам замацоўваецца пералік патрабаванняў, па якіх для спагнання запазычанасці або панесеных расходаў замест звароту ў суд неабходна звярнуцца да натарыуса для ажыццяўлення выканаўчага надпісу.

Указам таксама прадастаўляюцца спагнаннікам пры звароце да натарыуса за ажыццяўленнем выканаўчага надпісу льготы па выплаце дзяржаўнай пошліны, аналагічныя ўстаноўленым для звароту з такімі ж патрабаваннямі ў агульныя суды ў парадку загаднага і іскавага вядзення па справах.

Пры гэтым устанаўліваецца, што панесеныя спагнаннікам пры ажыццяўленні выканаўчага надпісу расходы, у тым ліку па выплаце дзяржаўнай пошліны, будуць спаганяцца з даўжніка на карысць спагнанніка, што павысіць зацікаўленасць спагнаннікаў у звароце да натарыусаў.

Выданне дакумента дасць магчымасць знізіць нагрузку на суддзяў і будзе садзейнічаць павышэнню эфектыўнасці правасуддзя.

Указ уступае ў сілу праз тры месяцы пасля яго афіцыйнага апублікавання.