Аляксандр Лукашэнка павіншаваў Уга Чавеса з днём нараджэння

Прэзідэнт Рэспублікі Беларусь Аляксандр Лукашэнка павіншаваў Прэзідэнта Баліварыянскай Рэспублікі Венесуэла Уга Чавеса з нагоды яго дня нараджэння.

"Мне вельмі прыемна адзначыць, што дзякуючы тваёй канструктыўнай палітыцы паспяхова пашыраецца беларуска-венесуэльскі міждзяржаўны дыялог, мацнее сяброўства паміж нашымі народамі", — гаворыцца ў віншаванні.

"Я ганаруся тым, што сумеснымі намаганнямі мы стварылі добрую атмасферу ўзаемаразумення, паглыбілі плённае двухбаковае супрацоўніцтва дзеля дабрабыту і росквіту нашых краін", — адзначыў Аляксандр Лукашэнка.

Прэс-служба Прэзідэнта Рэспублікі Беларусь.