Аляксей Мілер і Уладзімір Сямашка абмеркавалі пытанні паставак газу ў Беларусь з 2012 года

У цэнтральным офісе ААТ "Газпрам" адбылася рабочая сустрэча старшыні праўлення Аляксея Мілера і першага намесніка прэм'ер-міністра Беларусі Уладзіміра Сямашкі. Аб гэтым гаворыцца ў інфармацыі, размешчанай на афіцыйным сайце ААТ "Газпрам".

Бакі абмеркавалі перспектывы двухбаковага супрацоўніцтва, у прыватнасці па пастаўках газу ў рэспубліку пачынаючы з 2012 года з улікам Адзінай эканамічнай прасторы, а таксама перспектывы дзейнасці ААТ "Белтрансгаз".