Ірыну Чарняўку дапыталі ў КДБ

Пра гэта паведаміў "НН" прадстаўнік тэлеканала "Белсат" Міхась Янчук. Нагадаем, сёння супрацоўнікі КДБ прыйшлі з ператрусам да журналісткі «Белсату» Ірыны Чарняўкі. Спецслужбісты абшукалі кватэру Ірынінай сястры на Партызанскім праспекце ў Мінску — там журналістка спыняецца, калі прыяжджае з Гродна. Пра тое, што яе вязуць на допыт, І.Чарняўка паведаміла калегам праз смс. З КДБ журналістка вярнулася толькі пасля 20-й гадзіны. Яе дапыталі ў якасці сведкі па справе аб "масавых беспарадках" і ўзялі падпіску пра неразгалошванне.

М.Янчук лічыць, што адбываецца банальнае запалохванне незалежных журналістаў.