Грыбаўскайце: Да Лукашэнкі трэба з прыязнасцю

Прэзідэнт Літвы Даля Грыбаўскайце адхіляе крытыку свайго папярэдніка Валдаса Адамкуса. Адамкус крытыкаваў цяперашняга прэзідэнта за палітыку ў адносінах да Беларусі.

Грыбаўскайце сказала ў адказ, што катастрофа — гэта тое, што ў адносінах да суседняй краіне і Аляксандру Лукашэнку, якога называюць апошнім дыктатарам Еўропы, не праявілі прыязнасці,

а замест гэтага на 10 гадоў павярнуліся спіной.

«Прэзідэнт ніяк не ацэньвае і не каментуе выказаныя ў прэсе каментары або меркаванні асобных палітычных дзеячаў. Яна лічыць, што катастрофай і памылкай была дзесяцігадовая ізаляцыя Беларусі. Тыя крокі, якія былі зробленыя за час паўнамоцтваў цяперашняга прэзідэнта — першыя кантакты, што спрычыніліся да таго, што ёсць хоць бы нейкія крокі ў бок дэмакратыі», — сказаў прэс-сакратар прэзідэнта Лінас Бальсіс пасля сустрэчы прэзідэнта з кіраўніком МЗС Аўдронюс Ажубаліс.

Кіраўнік МЗС Ажубаліс таксама не хацеў згадваць горкія словы Адамкуса.

«Не ведаю, ці можна назваць цяперашнюю палітыку такімі жорсткімі словамі. Ці дастойная наша далейшая дапамога і паспяховая ангажаванасць донараў Еўрапейскага гуманітарнага ўніверсітэта такіх словаў. Ці дастойная наша пастаянная дапамога апазіцыі такіх слоў. Ці дастойныя такіх словаў нашы 40 кароткатэрміновых і 4 доўгатэрміновыя назіральнікі ў Беларусі, я не ведаю.

Спробы шукаць кантакты і актывізаваць дыялог з афіцыйным Мінскам — вось агульнае меркаванне ЕС», — сказаў ён пасля сустрэчы.

3 студзеня кіраўнікі літоўскай замежнай палітыкі абмеркавалі пачатак старшынства Літвы ў АБСЕ. Яны падкрэслілі, што рашэнне праблем Беларусі будзе адной з прыярытэтных задач.