Сяргей Румас назначаны намеснікам прэм'ер-міністра Беларусі

Прэзідэнт Беларусі Аляксандр Лукашэнка 28 снежня назначыў намеснікам прэм'ер-міністра краіны Сяргея Румаса.

Румас Сяргей Мікалаевіч нарадзіўся 1 снежня 1969 года ў г. Гомелі. У 1990 годзе скончыў Яраслаўскае вышэйшае ваеннае фінансавае вучылішча па спецыяльнасці "фінансавае забеспячэнне войскаў", у 1995 годзе — Акадэмію кіравання пры Кабінеце міністраў Беларусі па спецыяльнасці "арганізацыя і кіраванне знешнеэканамічнай дзейнасці". Кандыдат эканамічных навук.

Прафесійны банкір, які прайшоў вялікую школу ў дзяржаўных і камерцыйных установах. Пачынаў кар'еру яшчэ ў савецкія часы. У прыватнасці, працаваў у спецупраўленні пры беларускай канторы Дзяржбанка СССР, якое займалася фінансаваннем Беларускай ваеннай акругі, і даслужыўся да звання "капітан". Пазней некаторы час правёў у камерцыйных банках, пакуль не перайшоў у Беларусбанк. Філіял гэтай установы, які ён узначальваў, быў адным з лепшых. 22 верасня 2005 года кіраўнік дзяржавы Аляксандр Лукашэнка даў згоду на назначэнне Сяргея Румаса старшынёй праўлення ААТ "Бел- аграпрамбанк".