Глуханямога зноў судзілі за выкрыкванне антыдзяржаўных лозунгаў

Журналістка Святлана Калінкіна змясціла на сваім блогу наступную інфармацыю: «Учора, 21 снежня 2010 года ў судзе Цэнтральнага раёна разглядалася справа невядомага С.В.Антонава, які, згодна, з міліцэйскім пратаколам, удзельнічаў у несанкцыянаванай акцыі і выкрыкваў антыдзяржаўныя лозунгі.

На пытанні суддзі, ці згодны ён з абвінавачваннем, падсудзімы адказаць не змог. Ён аказаўся глуханямым.

Тады С.В.Антонава адправілі назад у ізалятар, а пратаколы — на «дапрацоўку» ў міліцыю».

Гэтая інфармацыя прыйшла ад праваабаронцаў, якія дзяжурылі ў судзе Цэнтральнага раёна 21 снежня. Просім сваякоў затрыманага звязацца з Рэдакцыяй.