ГУУС: Лейтэнант Класкоўскі працаваў у міліцыі да 2005-га, парушаў дысцыпліну

20 сакавіка сваю інфармацыю пра затрыманага былога міліцыянта дало ГУУС. Паводле ГУУС, Аляксандр Класкоўскі, 1978 г.н., сапраўды працаваў у міліцыі з 1999 да 2005 года. Аднак ён сеў п"яным за руль і трапіў у аварыю, пасля чаго яго з міліцыі звольнілі.

Класкоўскі трапіў у поле ўвагі, калі ў інтэрнэце было выкладзена відэа ягоных спробаў стрымаць спецназаўцаў ад ужывання сілы ў часе дэманстрацыі на плошчы Незалежнасці 19 снежня.

20 снежня позна ўвечары яго арыштавалі ва ўласнай кватэры.