Аляксандра Лукашэнку з перамогай на выбарах павiншавалi старшыня АБСЕ i прэзiдэнты Расii, Венесуэлы, Грузii

Кiраўнiка беларускай дзяржавы з пераканаўчай перамогай на выбарах павiншаваў па тэлефоне дзеючы старшыня АБСЕ Прэзiдэнт Казахстана Нурсултан Назарбаеў.

Пазiтыўна адрэагаваў на вынiкi выбараў Прэзiдэнт Расiйскай Федэрацыi Дзмiтрый Мядзведзеў. У тэлефоннай размове ён адзначыў, што Беларусь заўсёды будзе адной з самых блiзкiх краiн для Расii, а выбары з'яўляюцца ўнутранай справай суседняй дзяржавы.

Свае вiншаваннi беларускаму лiдару перадалi таксама Прэзiдэнт Балiварыянскай Рэспублiкi Венесуэла Уга Чавес i Прэзiдэнт Грузii Мiхаiл Саакашвiлi.