Кандыдаты заклікалі людзей сабрацца на плошчы Незалежнасці ў панядзелак а 18-й

Праспект ачэплены байцамі вайсковай часткі 3214. Сотні спецназаўцаў сканчаюць зачыстку Плошчы. Дэманстранты пакідаюць яе бакавымі вуліцамі, якія засталіся адкрытымі для адступлення.

Перад тым, як трансляцыі з трыбуны перарвалася, Віталь Рымашэўскі ад імя кандыдатаў заклікаў усіх сабрацца ў панядзелак а 18-й гадзіне на плошчы Незалежнасці, каб працягваць пратэст і дабівацца правядзення свабодных выбараў без Лукашэнкі.