«Советская Белоруссія» даказвае, што Расія падтрымлівае Лукашэнку

Гэтая мантра стала галоўнай тэмай рэдакцыйных калонак.

У апошніх нумарах газеты яе галоўны рэдактар Павал Якубовіч ізноў і зноў вяртаецца да яе. «Он уважать себя заставіл» — так называлася ягоная калонка ў нумары за 11 снежня. «Усім, хто сур’ёзна аналізуе ўзаеміны Мінска й Масквы, было цалкам ясна, што пік штучных непаразуменняў пройдзены», — пісаў ён.

У выпуску ад 15 снежня ён даказвае, што Масква не падтрымае апазіцыі, але захавае адносіны з Лукашэнкам: «Ребята, не Москва за вамі!»

Такая ўвага да тэмы паказвае, што лукашэнкаўцы баяцца адпадзення прарасійскага электарату. Як вядома, многія лідары прарасійскіх арганізацый упершыню падтрымалі заклік апазіцыі да Плошчы.