Еўракамісар Фюле прыедзе ў Беларусь

Візіт у Беларусь еўрапейскага камісара па пытаннях пашырэння ЕС і Еўрапейскай палітыкі суседства Штэфана Фюле чакаецца ў бліжэйшы час.

Пра гэта 4 лістапада, выступаючы на 13-м Мінскім форуме, паведаміў намеснік міністра замежных спраў Беларусі Валерый Варанецкі.

Паводле слоў Валерыя Варанецкага, апошнім часам значна актывізаваліся кантакты паміж знешнепалітычнымі ведамствамі Беларусі і краін ЕС, адбылася серыя візітаў на розных узроўнях.